Қазақстан Республикасы Мемлекеттік орталық музейі 2018 жылдың 7 наурыз күні, сағат 15.00-де өтетін көмтем мерекелері – 8 наурыз бен Наурыз мейрамына орай ұйымдастырылған суретшілер Юнус, Зухра және Жасмин Ибраимовтардың отбасылық «Мұра» вернисажына шақырады.
Ерлі-зайыпты Ибраимовтар Ташкент қаласындағы П.П.Беньков атындағы көркем сурет училищесін оқып бітірді. Юнус училищенің Театр декорациясы, Зухра Дизайн бөлімін және Островский атындағы Театр-көркем сурет институтының Кітап графикасы бөлімін оқып бітірді. Жұбайлар қазіргі уақытта сурет және кескіндеме сабақтары бойынша жеке ұстаздық қызмет атқаруда.
Әрбір суретшілердің көрмесі өзіндік жаңа көп қырлы шығармашылық қызметімен ерекшеленеді. Ю.Ибраимов монументальды және станокты кескіндеме техникасында жұмыс жасайды. Өз шығармаларын пленэрге шыққанда да, шеберханада да жасағанда ол сәуле мен көлеңкенің қозғалысын байқап, кез-келген түс өзгерістерін сезінуге тырысады. Суретші барлық өзінің ішкі дүниесін жұмсақ және әдемі майлар арқылы көрсетеді. Өзі туылған жердің табиғатының сұлулығын бейнелеген «Қарғалы. Кеш», «Алексеевкаға барар жол», «Весновка», «Ремизовка»; жыл мезгілдері-«Ақпан», «Шілде», «Күз таяп қалды» атты көптеген пейзаждық жұмыстары бар. Суретшінің туындыларында «Қыз күн бейнеленген көйлекте», «Скрипкада ойнаушы» және т.б. портреттер бар. Жыл өте оның жұмыстары сенімді түс пен суретшінің мінезін суреттейді.
Зухра графикаға, ағашқа күйдіріп өрнек салуға, матаға көркем ою-өрнектер салып әшекейлеуге – батикке, өз шығармашылығында әр түрлі әдістерді, материалдарды пайдаланып, жиі сынақтар жасауға құштар, сондай-ақ ол майлы кескіндеме техникасында да жұмыс жасайды. Оның картиналары, әсіресе («Бутаковка», «Таңғы суық», «Ыстық көл», «Қыстағы күннің батуы») пейзаждары өте көркем және әдемі. Соңғы жылдары жұбайлар мүсінмен және барельефпен шұғылдануда. Суретшілер отбасымен пленэрлерге шығып, көптеген жұмыстарын табиғат аясында салған.
Зухра және Юнус Ибраимовтар өздерінің көрмелерін 2010 жылы көрермендер назарына ұсынған. Ал бүгінде отбасылық жұпқа олардың қыздары Жасмин қосылды. Көрмеге Жасмин алғаш рет өзінің акварель жұмыстарын қояды. Ол Қастеев атындағы мектептің көркем сурет бөлімінде оқиды, көптеген балалар шығармашылық байқауларының қатысушысы: «Гүлдер әлемі» (1 орын), «Менің Қазақстаным» (1 орын), Балдәурен және т.б лагерьдердің эмблемасы үшін 1 орынды иеленген.
Юнус пен Зухра – «Суретші және кітап» (2002 ж.), «Ландшафт-дизайн» (2008 ж.), «Қолданбалы өнердің жәрмеңкесі» (2009 ж.), «Графика әлемі» (2011ж.) атты көптеген жастар көрмелерінің қатысушылары. Суретшілердің картиналары Өзбекстанның, Ресейдің, Қазақстанның, АҚШ-тың, Латвияның, Италияның жеке коллекцияларында сақтаулы.
Көрмеге 45-тен астам жұмыс қойылып отыр.
Көрме 2018 жылдың 25 наурызына дейін жалғасады.
Құрметті музейге келушілер!!!!
ҚР Мемлекеттік орталық музейі 2017 жылдың 31 желтоқсаны және 2018 жылдың 1-2 қаңтары күндері жұмыс істемейді. Музей залдары 2018 жылдың 3 қаңтары күні ашылады. Түсіністік танытқандарыңыз үшін рақмет!!!
Қазақстан Республикасының Орталық Мемлекеттік музейі 2017 жылы 20 желтоқсан күні сағат 15.00-де Темірбек Жүргенов атындағы Қазақ Ұлттық Өнер Академиясы студенттерінің Қазақстан Республикасының Тәуелсіздігі күніне арналған «ТУҒАН ЖЕР ТЫНЫСЫ» атты шығармашылық көрмесін ашады.
Музей күнделікті жұмысында өз көрермендерін еліміздің өнер әлеміне қосылған жаңа буын өкілдерімен таныстыру арқылы таланты жастардың шығармашылығын қолдап қазіргі кезеңдегі ұлттық өнер жетістіктерін насихаттауға үлес қосуда. «Туған жер тынысы» атты бұл көрмеде Темірбек Жүргенов атындағы Қазақ Ұлттық Өнер Академиясы станоктық кескіндеме шеберханасының жетекшісі, Қазақстанның еңбек сіңірген қайраткері, профессор Жұмақын Қайрамбаевтың шәкірттері Елена Шарапова, Марина Коркут, Назерке Ілиясова, Наргиз Мұхаметқалина, Шахиза Қуанышбекова, Жанат Сейтхамзаұлы сынды суретшілердің бейнелеу өнерінің пейзаж, натюморт, графика жанрында орындалған қылқалам туындылары, сонымен қатар сәндік-қолданбалы өнер нұсқалары, текстиль - қазіргі киім үлгілері ұсынылды.
Жоғарыда аталған авторлардың шығармашылық пайымдауына сай жоспарлаған жобаға негізделген көрме алматылық суретші жастардың шығармашылық деңгейін аңғартары сөзсіз. Көркемсурет өнерінің живопись, графика, дизайн, т.б. салаларын қатар алып жүрген жаңа буын өкілдері өз туындылары арқылы қазіргі тұрмыс-тіршілікті жан-жақты бейнелеуге, өткенімізді-пайымдауға, болашақты болжауға тырысады, әрі шынайылылыққа қол жеткізудің тың жолын ашуға ұмтылады.
Көрмеде суретші Елена Шарапованың қолынан шыққан «Т. Жүргенов портреті», «Музыкант портреті» және т.б. бірқатар портреттер сериясы ұсынылады. Ал, Марина Коркут шығармашылық жолын фотосуреттерге деген қызығушылықтан бастаған. Суреткер талантының жаңа қырлары көркемсурет саласында кәсіби деңгейге көтерілді деуге болады. Ол майлы бояу, гуаш, акварель сынды түрлі техника және кенеп, жұмсақ материал, қағаз, т.б. материалдарды барынша ұтымды қолдануға тырысады. Жанат Сейтқамзаұлының авторлық техникасы өзіндік ерекшелігімен екшеленеді. Суретшінің көркем туындылары туған жеріміздің көркем табиғатын паш етеді. Жас талант Шахиза Қуанышбекованың шығармалары шынайылылығымен көз тартады. Шахиза көбінесе анималистик жанрға көңіл бөледі, әрі қабырғаға сурет салу, қолөнерімен де шұғылданады. Өз шығармашылығында түрлі техниканы қолданып жүрген Ілиясова Назеркенің жұмыстары күнделікті тұрмыс-тіршіліктің шынайы көрінісі деуге болады. Шебер живописпен қатар мата, қабырғаны түрлі өрнекпен көркемдеумен шұғылданады. Шығармалары шынайылылығымен айрықшаланатын Мұқаметқалина Наргиздің туындылары кенеп бетіндегі майлы бояу, акрил айшықтары деуге болады.
Суретшілердің «Менің қалам», «Менің туған жерім», «Ақбозат», «Саябақта», «Шатқал», «Анашым», «Таулар», «Алматы», «Гүлдер», «Күз сыйы», «Қалыңдық», «Есік этюді» сынды туындылары туған жердің әсем табиғатына деген айрықша сезімді білдіреді.
Суретшілердің шығармашылығында көбінесе пейзаж – табиғат, қоршаған орта көріністері бейнеленеді. Туған өлкеге деген сүйіспеншілік табиғат, қоршаған орта ландшафты, этникалық – ұлттық мән-мазмұндағы бейнелер арқылы беріледі. Көрмедегі туындылардың әрқайсысы автордың өзіндік көзқарасы, суреткерлік тілі, шығармашылық шешімінің үлгісі демекпіз. Жоғарыда аты аталған суретшілерді біріктіретін ортақ қасиет – шығармашылық батылдық, айқындық, тың шешімге деген ұмтылыс. Көрмеге өз жұмыстарын ұсынған, бірнеше халықаралық көрмелерге қатысқан суретшілердің кейбір шығармалары өз еліміздің және Ресей, Англия, Германия, Америка, Греция, Сауд Арабиясы сынды елдердің жеке коллекцияларында сақталуда.
Аталмыш көрме шығармалар авторлары үшін өтіп бара жатқан жылдағы елеулі оқиға болып саналады. Көрмеде көпшілік назарына 70- астам жұмыс ұсынылды.
Көрме 2018 жылдың 8 қаңтарына дейін жалғасады.
Құрметті музейге келушілер!
Техникалық себептерге байланысты музей 25 .12.2017 ж.( 4 экспозициялық залдан басқалары) қызмет көрсетпейді. Уақытша ыңғайсыздық үшін кешірім өтінеміз.
Қазақстан Республикасы Мемлекеттік Орталық музейі Алматы қаласындағы «Творческие сезоны» компаниясымен бірлесіп, 2017 жылдың 15-18 желтоқсаны аралығында Орталық Азиядағы ең ірі Халықаралық «Christmas Art Fair-2017» атты оныншы мерейтойлық бейнелеу өнері көрме-жәрмеңкесін өткізеді.
Жаңа жыл – көпшіліктің үлкен үмітпен күтетін басты мерекесі. Әрбір жанның асқақ армандары орындалатын, ғажайып ертегі әлемінің сиқырлы ләззатын сыйлайтын мереке.
Бейнелеу өнері көрме-жәрмеңкесін өткізу бүгінде игі дәстүрге айналып отыр. Көрме-жәрмеңкеде жұртшылық Қазақстан, Ресей, Испания, Италия, Германия, Өзбекстан және Орталық Азиядан келген 300-ден астам дизайнер, суретші және шығармашылық адамдарының бірегей авторлық бұйымдарымен таныса алады. Мысалы, итальялық және испандық компаниялар көрермендер назарына өздерінің қызықты интерьерлік өнімдері мен жаңа жылдық ассортименттерін ұсынады.
Ірі рождестволық көрме-жәрмеңкеде әр жан өзіне қажет әшекей бұйым, киім-кешек пен керек-жарақтар, интерьерлік заттар, авторлық карамель, тоқаш, шоколад пен пісірілген түрлі тәттілер, шырша ойыншықтары, қуыршақтар, жұқа жібек мата, киізден жасалған жылы заттар, фарфор, әйел сөмкелері, түрлі керамикалық заттар, эко-косметика және т.б. таба алады.
«Верный мануфактурасы» көрме күндері көрермендерге сәндік интерьерлік өнер бойынша шеберлік-сабақтар өткізеді.
Жаңа жылдық көрме әрбір жанға жағымды жаңалықтар әкеліп, жарқын болашаққа үміт арттырады. Музейге келушілер көрме-жәрмеңкеден өздерін және жақындарын шаттыққа бөлейтін сәнді, қайталанбас Жаңа жылдық әсем сыйлықтар мен кәдесыйлар сатып ала алады.
Қазақстан Республикасы Мемлекеттік орталық музейі мен «Творческие сезоны» компаниясы Сіздерді Халықаралық «Christmas Art Fair-2017» көрме-жәрмеңкесін тамашалауға шақырады.
Көрме-жәрмеңкенің ресми ашылуы: 2017 ж. 15 желтоқсан, сағат 11-00-де
Көрме-жәрмеңкенің жұмыс уақыты: 15 - 18 желтоқсан күндері сағат 9.00-19.00-ге дейін
Көрме-жәрмеңкеге кіру – ақылы.
Тағы мақалалар...
- 07.12.2017 ж. «Нархоз» университетінің "Z Awards" алғашқы рәсімі
- 2-3.12.2017 ж. «Шығыс базары» атты Орталық-Азиялық дәстүрлі қолөнер көрме-жәрмеңкесі
- 11.11.2017 ж. «Фарфор өнеріндегі Жібек жолы жайлы Бейжің аңызы» атты Қытай заманауи бейнелеу өнерінің көрмесі.
- 10.11.2017 ж. «Н. Назарбаев: дәуір, тұлға, қоғам»
