08.11.2023 ж «Уақыттан тыс. Эмоциялар мен екпіндер»
2023 жылдың 8 қараша күні сағат 16.00-де ҚР Мемлекеттік орталық музейінде «Уақыттан тыс. Эмоциялар мен екпіндер» атты көрменің салтанатты ашылуы өтеді. Аталмыш көрмеде өз шығармашылығын Қазақстанда алғаш рет таныстыратын алыс-жақын шет ел суретшілерінің жұмыстары ерекше орын алады. Атап айтқанда: Адриана Сеттер (Испания), Сабрина Пуппин (Италия), Анита Алабау (Франция), Али Сун Су (Оңтүстік Корея), Керн Экстром (Дания), Стефан Бейу (Молдова), Гай Мено (Лондон), Натали Эггер (Австрия), Хироси Ямаока (Жапония), Кристин Эль Охейл (Ливан, БАӘ), Томас Фолкнер (Германия), Раду Плаитный (Молдова), сондай-ақ Қазақстанның танымал суретшілері — Бақытнұр Бурдесбеков, Бибігүл Смақова, Ақжан Айкинбаева, Маржан Бақытбекова, Гүлнар Табанова, София Грудцына, Вячеслав Ли және Елена Фурса, Рахат Сапаралиева.
«Уақыттан тыс» дегеніміз – жағдайлар мен уақытқа қарамастан әдемілікті жасау, «эмоцияларды» кенепте жеткізу, және ең бастысы сол затқа ерекше «екпін» беру. Көрермендер абстрактілі кескіндеме, реализм, классикалық жанр түрінде салынған суреттерді, сондай-ақ фото-картиналар мен шығармашылық бас киімдерді көру мүмкіндігіне ие болады.
Әр суретші өз елінің мәдени мұрасына үлес қосады. Көрмеге қатыса отырып, суретшілер өз идеяларымен, ойларымен, жоспарларымен, шығармашылығымен және де өз шеберлігімен бөліседі. Әр автордың өзіндік көзқарасы, орындау техникасы, көркем тілі және шығарманы ұсыну әдісі бар. Барлық суретшілер шығармашылығының біріктіруші бағыты – шығармашылық батылдық, жарқын бірегейлік, жаңа шешімдер іздеу және әлемге деген көзқарасын жеткізуге ұмтылу.
Көрменің мақсаты: суретшілердің көркемдік өзара іс-қимылы мен қарым-қатынасына ықпал ететін шығармашылық кеңістік құру, заманауи әлемдік өнер мен оның даму тенденцияларын көрсету.
Көрмеге қатысушылардың жұмыстары Франция, Түркия, Кипр, Моңғолия, Ресей, Франция, Қытай, Оңтүстік Корея, АҚШ, Жапония, Испания, Лондон, Италия, Венеция және т.б. сияқты шет елдердің халықаралық көрмелерінде де бірнеше рет ұсынылған.
Көрме 2023 жылдың 21 қарашасына дейін жалғасады.
Өтетін орны: ҚР Мемлекеттік орталық музейі, Самал-1, 44.
Анықтама телефоны: 264-46-50.
