авто

Переключатель языков

 Құрметті алматылықтар және қала қонақтары! 2022 жылдың 27 қыркүйегінде музейде санитарлық күн өткізілетінін хабарлаймыз. Осыған байланысты көрме залдары келушілер үшін жабық болады. Уақытша қолайсыздықтар үшін кешірім сұраймыз.

30.09.2022 ж. «Алтын алма» атты қолөнер шеберлерінің дәстүрлі Орта Азиялық көрме-жәрмеңкесі

Қазақстан Республикасы Мемлекеттік орталық музейінде 2022 жылдың 30 қыркүйек - 2 қазан күндері «Алтын алма» атты қолөнер шеберлерінің дәстүрлі Орта Азиялық көрме-жәрмеңкесі өтеді.

altyn-almaСіздердің назарларыңызға Қазақстанның барлық өңірлерінен, Қырғызстан, Өзбекстан елдерінен келген қолөнер шеберлері өздерінің сәнді де, сүйкімді, әсем бұйымдары мен кәдесыйларын, зергерлік бұйымдар, киізден және жібек матадан жасалған бұйымдар мен киімдер, сазды аспаптар, шығыс миниатюрасы, тоқыма, теріден жасалған заттар, сандықтар мен кілемдер ұсынады.

Көрме-жәрмеңке ұйымдастырушыларының басты мақсаты – Орталық Азия халықтарының материалдық мәдениетінің алуан түрлілігін көрсету, қала тұрғындары мен қонақтарын қолөнер бұйымдарының үздік үлгілерімен таныстыру.

Сонымен қатар көрме-жәрмеңкеде дәстүр бойынша әр түрлі қолөнер бойынша шеберлік-сабақтар көрсетіледі:

1 қазан Марат Сарсебаев 11.00-ден - 15.00-ге дейін – қыш жасау бойынша шеберлік-сабақ.

1-2 қазан Волкова Александра 12.00-ден - 14.00-ге дейін бисермен тоқу бойынша шеберлік-сабақ.

 Өтетін орны: ҚР Мемлекеттік орталық музейі Алматы, Самал-1, 44 үй.

Жәрмеңкенің жұмыс уақыты: 30 қыркүйек 14.00-ден.

                                                       1-2 қараша 9.00-18.00.

 Қосымша ақпаратты сіз көрме ұйымдастырушыларымен төмендегі телефондар арқылы байланыса аласыздар: 

Әбдікәрім Бахыт - +7 702 321 54 66, e-mail: This email address is being protected from spambots. You need JavaScript enabled to view it. "> This email address is being protected from spambots. You need JavaScript enabled to view it.

Кунсулу - +7 778 390 41 65, e-mail: This email address is being protected from spambots. You need JavaScript enabled to view it. "> This email address is being protected from spambots. You need JavaScript enabled to view it.

29.09.2022 ж. «ҚЫТАЙДЫҢ ӘЛЕМДІК МҰРА НЫСАНДАРЫ» халықаралық фотокөрмесі

Қазақстан Республикасы Мемлекеттік орталық музейі 17 жыл бойы Алматы қаласындағы Қытай Халық Республикасының Бас консулдығымен ынтымақтастықты жалғастырып, мәдени байланыс аясында Қытай тарихы, мәдениеті мен өнері бойынша бірлескен жобаларды іске асырып келеді.

«ҚЫТАЙДЫҢ ӘЛЕМДІК МҰРА НЫСАНДАРЫ» халықаралық фотокөрмесіЫнтымақтастықты жалғастыра отырып, ҚР Мемлекеттік орталық музейі Қытай Халық Республикасының Бас консулдығымен бірлесіп, Қытай Халық Республикасының құрылған күніне арналған 2022 жылғы 29 қыркүйек күні сағат 16.00-де көрермендер назарына «ҚЫТАЙДЫҢ ӘЛЕМДІК МҰРА НЫСАНДАРЫ» халықаралық фотокөрмесін ұсынады.

Қытай-көптеген тарихи ескерткіштер сақталған ежелгі өркениет пен ерекше мәдениеттің елі. Қытайдың мәдени мұрасы өзінің ауқымымен таң қалдырады.

Фотоэкспозицияның мақсаты - келушілерді Қытайдың бай тарихи-мәдени және табиғи мұрасымен таныстыру.

«ҚЫТАЙДЫҢ ӘЛЕМДІК МҰРА НЫСАНДАРЫ» көрмесінде ЮНЕСКО-ның бүкіләлемдік мұра тізіміне енгізілген және әлемнің қазынасы болып табылатын Қытайдың тарихи және мәдени ескерткіштерінің фотосуреттері қойылған. Келушілердің назарына «Ұлы Қытай қабырғасы», «Император Цинь Шихуандидің қабірі және терракоталық мүсіндер», «Уданшан тауларындағы ежелгі ғимараттар кешені», ежелгі Лицзян қаласы, Цюйфудағы Конфуций ғибадатханасы, «Могао үңгірлері», «Лушан ұлттық паркі», «Сучжоу қаласындағы классикалық бақтар», «Дацзудың жартастағы рельефтері» және т. б.

Көрмеге ежелгі өркениеттің інжу-маржандарының 59 астам фотосуреті қойылған. Шығармалардың авторлары - танымал Қытай фотографтары-Чжоу Цзяниен, Сун Чжицзюнь, Тань Мин және т. б.

Көрменің ресми ашылу салтанатында ҚР Мемлекеттік орталық музейінің директоры Рашида Харипова, Қытай Халық Республикасының Алматыдағы Бас консулы Цзян Вэй сөз сөйлейді.

 Фотокөрме күн сайын сағат 9.30:00-ден 18:00-ге дейін жұмыс істейді, 2022 жылдың 12 қазанға дейін жалғасады.

20.09.2022 ж. «Аралбойы маржаны» жылжымалы көрмесі

Қазақстан Республикасы Мемлекеттік Орталық Музейі 2022 жылдың 20 қыркүйегінде сағат 16.00-де Қарақалпақстан Республикасының Тарих және мәдениет мемлекеттік музейі ынтымақтастығы аясында «Аралбойы маржаны» жылжымалы көрмесін ашады.

afisha-karakalpaki-kzКөрме мақсаты: музейге келушілерді Қарақалпақстан Республикасының материалдық және мәдени мұрасымен таныстыру арқылы музей жинағын қалың жұртшылық арасында кеңінен насихаттау. Сондай-ақ халықаралық мәдени байланыстарды одан әрі нығайтуды, бауырлас екі ел музейлері арасында тәжірибе алмасуды көздейді.

Ұлттық мәдениет пен өнер – әуелден-ақ кез-келген халықтың тарихы, дәстүрі, дүниетанымының және оның басқа халықтармен этномәдени байланыстарын қалыптастырған.

«Аралбойы маржаны» тақырыптық көрмесі қарақалпақ жұртының тек тарихи ғана емес, дәстүрлі мәдениеті мен өмір салтын қатар көрсетер археологиялық және этнографиялық коллекцияларын ұсынады. Қарақалпақстан тарихы мен мәдениеті музейінің коллекциясында әсіресе, XIX-XX ғғ. халықтық сәндік-қолданбалы өнерінің сан алуан үлгілері жақсы сақталған.

Көрме экспозициясында қарақалпақ әйелінің ұлттық киімі мен зергерлік әшекейлері ерекше көз жауын алады. Осы қатарда кимешек пен орамал (ақтүрме), әйел және ерлерге арналған шекпен, қамар белдік, белбеу, жеңқап (жеңұш); сырға, түйме, білезік, тұмар, әсем салпыншақ, омыраулық сүйір (алқым) әшекейлер, «шар» алқа түйме, «төбелік», «өңірмоншақ» және «өңірше» аталатын қызбалаға арналған сәндік әшекейлер түрлі тастармен көмкерілген.

Қарақалпақ киімінен қарапайым тоқылған матаға жібек жіптермен кестелей түсірілген кішкене «айқас» (крестімен) өрнекті тігу техникасын да көре аласыз. Ақжегде (бас киім), ақкимешек, көк көйлек сынды әйел киімінің үлгілері мерзімі жағынан ең көнесі және Орталық Азия халықтары арасында кең таралғаны. Мәселен, кимешек – тұрмыстағы әйелдің дәстүрлі өзіне тән костюмінің міндетті бөлшегінің бірі, әрі ол өзінің күнделікті және салттық қолданыста болуымен ерекше назар аудартады.

Қарақалпақ халықтық-қолданбалы өнері де көркем шығармашылық ерекшеліктерге ие. Аталған туындылар көрмеде түрлі сәндік пішіндегі ою-өрнек нақыштары әр алуан экспонаттар арқылы да ұсынылған. Осы қатарда сандық пен ыдыс-аяқ, XIX-XX ғғ. тән ат-әбзелдері де бар.

Көрмеге бейнелеу және сәндік-қолданбалы өнер туындылары да қойылған. Экспонаттар қатарында халықтың дәстүрлі мәдениетін бейнелейтін танымал қарақалпақ суретшілері (ХХ ғасыр) — К. Бердімұратов, А. Сейтімбетов, Ф. Мадғазин, А. Өтегенов, М. Антонов, Г.Абдурахмановтардың өнер туындылары бар.

Көрменің жеке бөлімі Қарақалпақ жерінің табиғатына тән жануарлар әлемі мен өңірден табылған табиғи минералдар мен кристалдарға да арналған.

Қазақстан Республикасында өткізіліп жатқан аталмыш көрме – қарақалпақ халқының тарихы және мәдениетін бұқара көпшілікке таныстыру ғана емес, бауырлас елдер арасындағы халықаралық байланыстарды одан әрі нығайта түсуге қосқан елеулі үлесі болмақ.

Көрмені Мемлекеттік орталық музей директоры Харипова Рашида Ерімқызы мен Қарақалпақстан Республикасы Мемлекеттік Тарих және мәдениет музейінің директоры Юсупова Айжамал Ибрагимқызы ресми түрде ашатын болады.

Көрме 2022 жылдың 6 қазанына дейін жалғасады.

Байланыс телефондары: 2 64 46 50, 2 64 08 44.

23.09.2022 ж. Қазақстандағы тұрмыстық зорлық-зомбылыққа қарсы күреске арналған «Есіктің арғы жағында» атты заманауи өнер көрмесі

Қазақстан Республикасы Мемлекеттік орталық музейінде 2022 жылдың 22 қыркүйегі күні Қазақстандағы тұрмыстық зорлық-зомбылыққа қарсы күреске арналған «Есіктің арғы жағында» атты заманауи өнер көрмесі ашылды.

CITIX командасы, Binance өкілдері және көрме кураторы Ольга Веселова көрме жобасының ашылуымен құттықтап, жылы лебіздерін білдірді.

Жоба өнер арқылы зорлық-зомбылықтың бес құрбанының нақты оқиғаларын баяндады. Талантты авторлар бұл әңгімелерді картиналар, коллаждар, бейнеарт және театр қойылымдары арқылы көрсетті.

Көрмеге келушілер Қазақстанның танымал суретшілерінің: Бақыт Бубиканова, Ержан Жұмабек, Зоя Фалькова, Мөлдір Сағындықова, Дария Темірхан, Татьяна Ким, Qara Studios командасы мен Айсұлу Әзімбаеваның жұмыстарымен танысты.

Суретшілердің жұмыстары цифрландырылып, маркетплейсте сатылады, ал барлық түскен қаражат Қазақстандағы зорлық – зомбылық құрбандарына көмек ретінде берілетіндігін атап өтті.


«Есіктің арғы жағында» атты заманауи өнер көрмесі «Есіктің арғы жағында» атты заманауи өнер көрмесі
«Есіктің арғы жағында» атты заманауи өнер көрмесі «Есіктің арғы жағында» атты заманауи өнер көрмесі
«Есіктің арғы жағында» атты заманауи өнер көрмесі «Есіктің арғы жағында» атты заманауи өнер көрмесі
 «Есіктің арғы жағында» атты заманауи өнер көрмесі  «Есіктің арғы жағында» атты заманауи өнер көрмесі
 «Есіктің арғы жағында» атты заманауи өнер көрмесі  «Есіктің арғы жағында» атты заманауи өнер көрмесі
 «Есіктің арғы жағында» атты заманауи өнер көрмесі  «Есіктің арғы жағында» атты заманауи өнер көрмесі

16.09.2022 ж. «Графика, плакаттар, анаморфоздар» атты көрмесі

2022 жылдың 16 қыркүйегінде ҚР Мемлекеттік орталық музейінде Мажар суретшісі, графикші, аниматор, жазушы, Мажар Өнер академиясының мүшесі, Кошут атындағы Ұлттық сыйлықтың лауреаты Иштван Оростың «Графика, плакаттар, анаморфоздар»атты көрмесінің ашылуы өтті. Көрме Мажарстан мен Қазақстан Республикасы арасындағы дипломатиялық қарым-қатынастардың орнағанына 30 жыл толуына орай Алматыдағы Мажарстанның Бас консулдығымен ынтымақтастықта ұйымдастырылды. Жобаның серіктестері: Қазақстандағы «Гедеон Рихтер» өкілдігі және MOL GROUP.

Көрменің ресми ашылу салтанатында ҚР Мемлекеттік орталық музейінің директоры Рашида Харипова, Венгрияның Бас консулы Ференц Блауманн сөз сөйледі, сондай-ақ Иштван Мандоки атындағы № 154 мектептің «Аққу» балалар фольклорлық оркестрі Нұрғиса Тілендиевтің «Әлқисса» және Құрманғазының «Балбырауын» күйлері орындап, Иштван Оростың «Дұға» өлеңімен жалғасты.

Иштван Орос - классикалық бейнелеу өнері мектебінің шәкірті бола отырып, ғасырлар бойғы көркемдік дәстүрлер мен батыл инновациялық идеялар тоғысатын өзінің ерекше, қайталанбас стилін жасай алатын танымал суретші.

Музей қонақтары суретшінің түрлі жанр мен техникада орындалған «импоссилибизм», «оп-арт» плакаты мен гравюралық техникасымен танысты.

Көрмеге Иштван Оростың 50-ден астам жұмыстары қойылған. Суретшінің шығармаларының ішінде –«Жасырын жүздер», «Айналар мен шағылысулар», «Болмау», «Елшінің Анаморфоздары», «Вавилон», «Арал» және т. б. қойылған.

«Графика, плакаттар, анаморфоздар» көрмесі Қазақстан-Венгрия қарым-қатынастарын және елдер арасындағы этномәдени алмасуды нығайтуға ықпал етеді.

vengri-1 vengri-2
vengri-3 vengri-4
vengri-5 vengri-6

Көрме 2022 жылдың 28 қыркүйегіне дейін жалғасады.

 

Сайт материалдарын пайдаланған жағдайда, музейге сілтеме көрсетілуі керек. // При использовании информации с сайта, просим указывать источник.
When using information from this site, please link to the source