26.04.2024 ж. «XVI Оразбаев оқулары» халықаралық ғылыми-әдістемелік конференциясы өтеді.
2024 жылдың 26-27 сәуірінде Қазақстан Республикасы Мемлекеттік орталық музейі, Әл-Фараби атыңдағы Қазақ Ұлттық Университетінің «Археология, этнология және музеология» кафедрасы және «Таңбалы» тарихи-мәдени және табиғи мемлекеттік қорық-музейі бірлесіп дәстүрлі «XVI Оразбаев оқулары» халықаралық ғылыми-әдістемелік конференциясын өткізеді.
Абдулманап Медеуұлы Оразбаев – белгілі ғалым, археолог, педагог, отандық далалық археология зерттеулер әдістемесі мектебінің, сондай-ақ Қазақ Ұлттық Университетінің, «Археология, этнология және музеология» кафедрасының негізін қалаушы ұстаз А.М. Оразбаевтың ғылыми өмір жолы қола дәуіріндегі тайпалардың материалдық мәдениетінің тарихын және ерте көшпелілердің көне өркениетін ғылыми зерттеу жұмыстарына арналды. Солтүстік Қазақстан археологиялық экспедициясына (1954, 1960, 1961, 1964, 1965, 1967 жж.), Батыс Қазақстанда (1968 ж.) далалық зерттеулер жұмыстарына, академик Ә.Х. Марғұлан жетекшілік еткен Орталық Қазақстан археологиялық экспедициясының құрамында болып, (1957, 1961, 1962, 1963, 1972, 1974 жж.), археологиялық зерттеулерге атсалысты. Сондай-ақ, А.М. Оразбаев 1958, 1985–1988 жылдары Шығыс Қазақстан археологиялық экспедициясына, ал 1989-1990 жылдары Семей археологиялық экспедициясына жетекшілік еткен. А.М. Оразбаев Солтүстік Қазақстан аумағындағы қола дәуірінің ескерткіштерінің өзіндік мәдени тұстарын анықтап, кезеңделу шеңберін белгілеп берді және андрон мәдениетінің қалыптасуын үш кезеңге жіктеді: федоров, алакөл және замараев.
Конференцияда келесі бағыттар бойынша мәселелерді талқылау жоспарлануда:
- Еуразияның ежелгі және ортағасырлық археологиясы;
- Этникалық тарих пен этномәдени процесстердің жалпы және өзекті мәселелері;
- Көрнекті археологтар туралы естеліктер мен ойлар;
- Археологиялық және этнографиялық экспедициялардың далалық материалдары;
- Тарихи-мәдени мұраны зерттеу, сақтау және мұражайландыру әдістері;
- Тарихи пәндердегі пәнаралық әдістер
Конференцияның жұмысы 3 тілде – қазақ, орыс және ағылшын.
Конференция жұмысына Қазақстан, Ресей және Өзбекстан елдерінен археолог, этнограф, тарихшы ғалымдары, мәдениеттанушы, музей ісінің мамандары мен жоғары оқу орындарының оқытушылары қатысады
25.04.2024 ж. «Ынтымақ -достық кепілі» мәдени іс шарасы өтеді
Қазақстан Республикасы Мемлекеттік орталық музейінде 2024 жылдың 25 сәуірі күні сағат 15:00 де Қазақстан халқының бірлігі күні мерекесіне орай «Ынтымақ -достық кепілі» мәдени іс-шарасы өтеді.
1 - мамыр Қазақстан халықтарының бірлігі күні. 1995 жылдың наурыз айында дүние жүзіне үлгі болып отырған ұлтаралық татулық пен тұрақтылықтың феномены - Қазақстан халықтары ассамблеясы құрылды. Бұл ешбір елде болмаған саяси маңызды құрылым. Ассамблея 365 мүшесі, 471- ден астам республикалық, өңірлік, облыстық, қалалық ұлттық-мәдени бірлестіктері 500- ге жуық кіші ассамблея мүшелерінің бастарын біріктіріп келеді.
Шараның мақсаты - түрлі ұлт өкілдерінің дәстүрімен, тұрмыс салтымен тереңірек таныстыру және Қазақстанда тұратын өзге ұлт өкілдері арқылы қазақтың тіліне, мәдениеті мен өнеріне деген құрметті арттыру. Сондай-ақ, халықтар достығын, ел бірлігін, отаншылдықты дәріптеп, өлкеміздегі түрлі этнос өкілдерінің шығармашылығын халыққа кеңінен насихаттау.
Іс-шараға корей, неміс, татар, ұйғыр этно-мәдени орталықтары қатысады.
01-03.03.2024 ж. Орта-Азия қолөнер шеберлерінің көрме-жәрмеңкесі «ҚЫЗҒАЛДАҚТАР УАҚЫТЫ»
Табиғат көгеріп, күн шуағын шашып, жаңа өмірге бастайтын көктемнің алғашқы айы – ол Наурыз.
8 Наурыз әйелдердің ең сүйікті мерекелерінің бірі. Бұл мерекенің символы - қызғалдақтар. Сондықтан біздің жәрмеңке «ҚЫЗҒАЛДАҚТАР УАҚЫТЫ» деп аталады.
Әйелдер мерекесі қарсаңында 2024 жыл, 1-3 наурызда ҚР Мемлекеттік Орталық музейінде Орта-Азия қолөнер шеберлерінің көрме-жәрмеңкесі өтеді. Көрме-жәрмеңкеге Қазақстан, Қырғызстан, Өзбекстан және Түркменістан елдерінің әр аймағынан келген қолөнер шеберлер қатысады. Жәрмеңкеде Сіздер әр шебердің өз қолымен жасаған бұйымдарымен: дизайнерлік киімдер, бисерден жасалған бижутериялар, авторлық теріден, киізден, күмістен, тастардан жасалған әшекей бұйымдармен танысып, сатып ала аласыздар. Тағы да көптеген кәдесыйлар болады.
Сіздерді көрме-жәрмеңкені тамашалауға келген қонақтар арасынан көруге асықпыз!
Өздеріңізді және жақындарыңызды, туған-туыстарыңызды ерекше сыйлықтармен қуантып, көңілін көтеріңіз!
Сонымен қатар жәрмеңке аясында үш күн бойы сағат 11.00 – 16.00 дейін шеберлік сабақтар өтеді:
- керамикалық саз балшықтан зергерлік бұйымдар мен әр түрлі фигураларды және періштелерді мүсіндеу;
- табиғи балауыздан шамдар жасау.
Көрме-жәрмеңкенің жұмыс уақыты: 1-3 наурыз 2024 жыл, сағат – 9.00 - 18.00
Өтетін орны: Самал-1, 44 үй
19.03.2024 САЯ ІЗДЕСЕҢ АҒАШ ЕК
САЯ ІЗДЕСЕҢ АҒАШ ЕК
Наурызнама тұжырымдамасының онкүндігіне сәйкес, 19-наурыз Жаңару күні болып бекітілген болатын. Бұл күні еліміздің барлық аймақтарында дәстүрлі ағаш егу науқаны өтеді.
Осыған орай, ҚР Мемлекеттік орталық музейі Медеу ауданы әкімшілігі және Медеу аудандық «Белсенді ұзақ өмір» орталығының ардагерлерімен бірлесе отырып, музей алаңына ағаш отырғызу акциясын өткізді.
![]() ![]() |
|
![]() ![]() |
|
![]() ![]() |
Шара ағаш егу мәдениетін қалыптастыру арқылы қаланың экологиясын жақсартуды көздейді. Табиғатты аялауды үлгі-өнеге етуге бағытталған шарада ұрпақтар сабақтастығын сақтау ұстанымы негізінде ардагерлер ағаш отырғызуды музей жастарымен жұмыла атқарды.
29.02.2024 Алғыс айту күні
Көктемнің алғашқы күні Қазақстанда Алғыс айту күні атап өтіледі.
Алғыс айту күні - ең алдымен елімізде тыныштық, өзара сенімділік пен барлық Қазақ еліне деген құрметтің орнығуына негіз болған Президенттің бейбітшілік пен келісім саясатының салтанатты күні. Бұл-тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына терең тағзымының белгісі. Қазақ халқы қиын-қыстау заманда олардың басына түскен ауыртпалықты қайыспай бірге көтере білді, бұл бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды.
Қазақстан Республикасы Мемлекеттік орталық музейінде 2024 жылдың 29-ақпан күні, сағат 15.00-де «Бір шаңырақ астында» мәдени іс-шарасы өтеді.
Аталған іс-шараға Алматы қаласындағы Республикалық Достық үйіне қарасты «Ватандаш» қырым татарларының мәдени орталығы, Қазақстан күрдтерінің «Барбанг» қауымдастығы, «Ренессанс» Алматы мәдени-этникалық қоғамы, «Вензь» поляк мәдениетінің орталығы», Алматы облысының «Вайнах» шешен-ингуш бірлестігі, «Вошал» ингуш этно-мәдени орталығы» т.б этно-мәдени орталықтар қатысады. Шара аясында халықтық-қолданбалы өнері көрмесі және концерттік бағдарлама ұйымдастырылады.
Тағы мақалалар...
- 15.02.2024 «Қазақ киносының жарық жұлдызы» мәдени-танымдық іс-шарасы өтеді.
- "Ұлы даланың ұлттық дәстүрлері" II Халықаралық ғылыми форумы
- 31.01.2024 ж. «Әнін көкке қалықтатқан Ғарифолла Құрманғалиев» мәдени-танымдық кеші
- 30.12.2023 ж. Қазақстан Республикасы Мемлекеттік орталық музейі Жаңа жылдарыңызбен құтықтайды.